Kristnastova er eitt andaligt heim fyri føroyingar í Keypmannahavn. Her hittast útsetar úr øllum Føroyum til sang og undirvísing úr Bíbliuni, til prát og samveru.
Kristnastova hevur sum mál, at vísa fólki á Frelsaran, Jesus Kristus og at hjálpa trúgvandi at mennast í trúnni á Jesus. Hesum málum vilja vit náa gjøgnum møti og onnur tiltøk, har boðskapurin um Jesus verður boðaður. Vit leggja dent á sunna læru úr Bíbliuni, á góðan tónleik og lovsong og á kveikjandi prát og samveru. Dentur verður eisini lagdur á felags uppbygging í húsbólkum og til tænastu millum kristin eins væl og ikki-kristin.
Kristnastova liggur úti á Amager, umleið 8 minuttir til gongu frá metrostøðini Femøren.
Adressan er Birmavej 36, 2300 København S.
Virksemið í og út frá Kristnastovu er fyrst og fremst kristiligt og andaligt. Okkum tørvar Guds signing og vegleiðing, og virðismeta tí at biðið verður fyri okkum og verkinum.
Stovnurin Kristnastova eigur og rekur kristiligu miðstøðina á Birmavej 36. Virksemið verður stuðlað av samkomum og einstaklingum í Føroyum og aðrastaðni. Stuðul til miðstøðina kann latast á kontur í Føroyum og Danmark. Kontunummur kunnu fáast við at skriva til kristnastova@kristnastova.dk.
Samkoman í Kristnastovu er fíggjarliga óheft av stovninum, men leigar hølir frá stovninum. Virksemið hjá samkomuni verður borið av útisetum, ið rokna samkomuna í Kristnastovu sum sítt andaliga heim. Stuðul til samkomuna kann latast við innsavnanina sunnumorgun. Kontunummar hjá samkomuni fæst í Kristnastovu.
Er av síðuni hjá evr.fo
Sunnudag er møti kl. 11. Møtið byrjar við sangi og tónleiki, og hildið verður síðani áfram við fríari tilbiðjan, breyðbróting og undirvísing úr Bíbliuni. Eftir møtið er ein lættari máltíð at fáa. Sunnudagsskúli er samstundis sum møtið er. Á kalendaranum kanst tú síggja, hvat verður á møtinum.
Fríggjakvøld kl. 20 er møti við tónleiki, lovsangi og einum boðskapi úr Guds Orði. Onkuntíð greiðir onkur frá sínum upplivingum saman við Harranum. Eftir møtið finnur tú altíð onkran at práta við yvir ein drekkamunn. Um summarið og um jólatíðir er einki fríggjakvøldsmøti, av tí at fleiri fólk eru í feriu heima í Føroyum.
Sunnudagsskúli er hvønn sunnudag, samstundis sum møtið er. Fyrsta partin av møtinum eru øll, bæði børn og vaksin, saman í salinum. Tá ein lítil hálvur tími er gingin, fara yngru børnini (0-8 ár) niður undir í sunnudagsskúlan. Har syngja børnini nógvar sangir saman, hoyra søgu, og spæla ella gera okkurt ítriv. Tá møtið er liðugt, er ábit at fáa í salinum.
Síðsta mánakvøld í hvørjum mánaði kl. 20 er bønarkvøld í Kristnastovu. Vit byrja við einum drekkamunni og práti. Síðani verða ymisk bønarevni løgd fram, sum vit so biðja fyri. Umleið kl. 21 práta vit við onkran trúboðara umvegis skype. Bønarmøtini verða hildin í stovuni uppiá, og eru sera óformell.
Sunnudagsskúli er hvønn sunnudag, samstundis sum møtið er. Fyrsta partin av møtinum eru øll, bæði børn og vaksin, saman í salinum. Tá ein lítil hálvur tími er gingin, fara yngru børnini (0-8 ár) niður undir í sunnudagsskúlan. Har syngja børnini nógvar sangir saman, hoyra søgu, og spæla ella gera okkurt ítriv. Tá møtið er liðugt, er ábit at fáa í salinum.
Annanhvønn fríggjadag kl. 11-14 er spælistova í Kristnastovu. Hetta er ein løta (tiltak) fyri foreldur og børn, har vit fáa ein bita, hugna og práta. Vit hoyra eitt orð úr Bíbliuni og biðja, og so syngja vit eisini nakrar sangir saman við børnunum. Øll eru vælkomin.
Annanhvønn fríggjadag kl. 11-14 er spælistova í Kristnastovu. Hetta er ein løta (tiltak) fyri foreldur og børn, har vit fáa ein bita, hugna og práta. Vit hoyra eitt orð úr Bíbliuni og biðja, og so syngja vit eisini nakrar sangir saman við børnunum. Øll eru vælkomin.
Samkoman Kristnastova | 2300 København S. | Birmavej 36
kristnastova@kristnastova.dk
+45 32 55 18 09
© Kristnastova 2022